गहुँगोरो अफ्रिका

Author : आहुति
Published on : September 08, 2015


  
आहुति

मेरो रातो रगत

मानिसको पबित्र रातो रगत

निलो पसिनाको बँद बनेर जब झर्दछ

तिमी आफ्ना नरम अन्ज'लीमा आलि लगाएर थाप्दछौ

जब म त्यो श्रमको स'वाशय'क्त पसिना सुंघ्न खोज्छ'

तिमी मेरो अपमान गर्छौ र मलाई टाढा राख्छौ

आँखा जुधाउने आँट गर पूजारी

म बिसौं सताब्दिको 'अछूत' हुँ !

यो गोल भूगोलको एउटा गहुगोरो अफ्रिका हुँ !

म न्याय चाहन्छ'

म मुक्ति चाहन्छ' !

 

तिम्रो मन्दिरको मूर्तिमा मेरो आरनको गन्ध आउछ

ओदान माथिको कराहीमा मेरो पसिनाको गन्ध आउछ

आँखा जधाउने आँट गर धर्माती मान्छे

कि मेरो अस्तित्वलाई भुङरोमा पोल र धर्म धान्ने आँट गर

कि मेरो अपमान गर्ने शास्तका पानालाई च्यात्ने या

जलाउने साहस गर

म तिम्रो मन्दिरको देउता बनाउने कामी हुँ

यो गोल भूगोलमो गहुगोरो अफ्रिका हुँ !

 

तिम्रो बस्तिको सफा भुईलाई सुँघ

बस्तिको हर चोक्टामा मेरो रगतको गन्ध आउछ

आँखा जुधाउने आँट गर सफा मान्छे !

कि मेरो रक्त नलिमा पानी भर

कि आफ्नो दिमागको फोहोर सफा गर

म तिम्रो बस्तिको फोहोर सोर्ने च्यामे हुँ !

यो गोल भूगोलको गहुँगोरो अफ्रिका हुँ !

 

तिम्रो मनका मनोरन्जित ग्रन्थीलाई च्यात

त्यहाँ मेरो संगीतका मधुर सरसराहट सुनिन्छ

आँखा जुधाउने आँट गर चेतनायुक्त मान्छे

कि मलाई जनवारसँग बाध र घास खुवाउने आँट गर

कि तिमी आफूलाई जनवार भन्दा फरम पार्ने साहस गर

म सारंगी रेट्ने, मादल ठोक्ने, गाईने हुँ, वादी हुँ !

यो गोल भूगोलको गहुँगोरो अफ्रिका हुँ !

 

माटोमा धसिएको मेरो जीवनलाई छाम

त्यहाँ मेरो आँसुको आहाल भेटिन्छ

आँखा जुधाउने आँट गर अघाएको मान्छे !

कि तिम्रो गाँसमा मेरो आँसुको गन्ध छैन भन्ने आँट गर

कि मेरो दलित जीवनको सम्मान गर्ने साहस गर

म तिम्रो गोरूसँगै माटोमा पौडिने मुसहर हली हुँ

यो गोल भूगोलको गहुँगोरो अफ्रिका हुँ !

 

तिम्रो पाईतालाको जुत्ता देखि शिरको टोपीसम्म

तिम्रो दृष्टीको दुर क्षितिज देखि मुटुको स्पन्दनसम्म

म कहाँ छैन ? म सर्बत्र छु !

मलाई तिमी कसरी (अछूत) बनाउन सक्छौ (छुत) मान्छे ?

कि इतिहासको कठघरामा उभिने आँट गर

कि आफूलाई बदल्ने साहस गर

आँखा जुधाउने आँट गर पूजारी !

म बिसौं सताब्दिको (अछूत) हुँ !

यो गोल भूगोलको गहुँगोरो अफ्रिका हुँ !

म अपमानित इतिहासको हिसाब चाहन्छु

म कुनै पनि मूल्यमा मुक्ति चाहन्छु !