अठोट

Author : काःतिच उकुसु
Published on : July 15, 2015


  
काःतिच उकुसु

तिमी जुन ताराको कुरा गर्छौ तिमी

चाँदनी रातको पुरा तुन्छौ

हर दिन हर रात साथ हुन्छौ

मिठा मिठा सपनाका कुरा गर्छौ

तर म आफैंलाई थाहा छैन

 

खोइ,

खोइ म कहाँ छु ?

खोइ म किन रमाउनु तिमी छौ भनेर

जहाँ तिमीभित्र म पाउँदिन

जहाँ तिमीभित्र म रतिन सक्दिन

जहाँ साथसाथै बसेर पनि

हाम्रो दुरि झन झन बढछ

किन मैले तिमीलाई मेरी आफ्नो भनेर स्वीकार गरुँ ?

१५ दिन मात्र १५ दिनमा

केवल गाउँ गाउँ भनिएको 

जिल्ला जिल्लाको राय सुझावको श्रृंगार प्रसाधनले

खोइ कसरी मेरी बन्न सक्छौ र

बा बा मलाई त एकरत्ति पनि विश्वास छैन

यो हुँदै नहुने कुरा मेरो भित्री मनले नमानेको र नस्वीकारेको कुरा ।

 

त्यसैले प्रिय

तिमी तयार भएर बस्नु

तिम्रो र मेरो छोडपत्रको कागज लिएर आइपुग्छु

अब तिम्रो र मेरो बाटो अलग हुनै पर्छ

म त्यही दिनको पर्खाइमा छु ।

प्रिय तिमी तयार हुनु ।

 

तिसुप, काःत, चुप्लु (ओखलढुंगा)