गजल

Author : दिपेन्द्र "अश्रुमाली"
Published on : April 11, 2014


  
दिपेन्द्र "अश्रुमाली"

नरोकेर नछेकेर छेकियो समय ॥

जीवनमृत्यु दुवैमा देखियो समय ॥

 

रोई कराई चिच्याई टार्दैन टारेर,

जन्ममा नै निधारमा लेखियो समय ॥

 

रहर हैन जन्म मरण पनि त्यस्तै,

सप्ना अपुरो बुढ्यौली टेकियो समय ॥

 

चाहाना अधुरो विछोड पिडा सँगै,

यात्राकालमै रोकि ठेकियो समय ॥

 

नचाहेरै भुल्नुपर्ने पल  कुनै  हुन्छ,

विश्वासबाटै पुर्पुरो सेकियो समय ॥

 

जीउँदाको जन्ति मर्दाको मलामि मान्छे,

पिंजडामा  चरी   सरि    चेतियो समय ॥

 

गोरखा