गजल

Author : सावारा लिम्बु
Published on : March 30, 2014


  
सावारा लिम्बु

गजल (१)

 

मनको बह खोलन कान्छी |

लागेको कुरा बोलन कान्छी ||

 

रोजीको मान्छे छेउमा पाउदा |

आपसी दुख घोलन कान्छी ||

 

भागयले भेट भएको मौका |

मायाले मुटु पोलन कान्छी ||

 

पबित्र फुल दिनलाई आउँदा |

नभ नि अन्त डोलन कान्छी ||

 

मनको बह खोलन कान्छी |

लागेका कुरा बोलन कान्छी ||

 

 

गजल (२)

 

डढेलोले बनै खायो सल्लाले के गर्नु |

स्यालले पोथी लग्यो चल्लाले के गर्नु ||

 

मुखमा राम राम बगलीमा छुरा छाम |

कथा भयो छेपारोको हल्लाले के गर्नु ||

 

लाखौ लाख युवा बिदेस पलायन हुदा |

खेत बारीमा उठेका डल्लाले के गर्नु ||

 

जनता लुटेको धन अक्तियारको सामु |

पैसा सुनले भरिएको गल्लाले के गर्नु ||

 

डढेलोले बनै खायो सल्लाले के गर्नु |

स्यालले पोथी लग्यो चल्लाले के गर्नु ||

 

पाँचथर नागी ५