गजल

Author : वर्षा कार्की
Published on : February 18, 2014


  
वर्षा कार्की

निलो निलो समुद्रको झलक देखियोस् !

नेपालमा फेरि बुद्ध, जनक देखियोस् !!

 

पहिले झै जनताका चूलो नसल्केमा !

आफूपनि भोकै बस्ने शासक देखियोस् !!

 

देशको पीरले मन भरि उठ्छन् छालहरू !

देश हाक्ने कोही अभिभावक देखियोस् !!

 

लिङ्कन र गान्धी जस्तै नेता चाहिएको छ !

यो देशको सच्चा शुभचिन्तक देखियोस् !!

 

जति जोगी आएपनि कानै चिरेका छन् !

एउटा कोही अरूभन्दा फरक देखियोस् !!