दिपेन्द्र "अश्रुमाली"

पिरतिमा तट्पिएर, टोलाउँनुको मजा बेग्लै ।

दु:खाइमा अश्रु धारा, बगाउँनुको मजा बेग्लै ।।

सुरुवातमा पिरतिको, मुना हुँदै गर्दा खेरी ।

रिसाएको प्रेमिलाई,फकाउँनुको मजा बेग्कै ।।  

दाउरा घाँस, गाई गोठाला, जाँदा सबै मिली ।

जेठा दाइले बाँसुरि, बजाउँनुको मजा बेग्लै ।।

मन परेको मान्छेको, हरेक राम्रो कुराहरु ।

खुशी साथ अरुसामु, बताउँनुको मजा बेग्लै ।।

आफ्नो मन्को कुरा सबै, मन भित्रै राखेर ।

परिवारको मुहार, हासाउँनुको मजा बेग्लै ।।   

खोटाङ छोराम्बु