गीत

Author : कृष्णकला वनेम
Published on : July 02, 2012


  
कृष्णकला वनेम

थाहा पाउँनु थियो मैले उन्को एउटा कुरा

कसै गर्दा थाहा पाईन चल्यो मनमा छुरा

 

बोली चाली सारै मिठो

संगै हाँस्दा बोल्दा

हल्का हुन्थ्यो मन कति

रहस्य त्यो खोल्दा

सोचाईमा डुब्दा डुब्दै हर रात त्यसै बित्छ

त्यै कुराले संधै मलाई ऐठन लगाई थिच्छ

 

दिलका सारा कुरा खोली

सुनाउँथे कतीकती

च्यातेर नै देखाउँथे

यो छातीमा भए जती

यो मन जस्तो सङ्लो त्यो मन कहाँ रहेछ

आखिरीमा जीवन यो भिरको चिन्डो भएछ

 

हाल इज्रायल