पुरानो मानिस

Author : श्रवण मुकारूङ
Published on : August 31, 2011


  
श्रवण मुकारूङ

यस धरतीको सबभन्दा पुरानो मासिनलाई मार्न

सबभन्दा नयाँ कुरा चाहिन्छ

 

तिमीसित अब

के छ त्यस्तो कुरा..... ?

 

सुधारिएको प्रजातन्त्र ?

गणतन्त्र ?

अत्याधुनिक बन्दुक

ट्याङ् मिसाइल, रकेटलन्चर

वा-

जैविक अतियार

अथवा

अन्तराष्ट्रिय गीत... ?

 

घर जलाईदियौ

घरसागै

उसका बालबच्चाहरू जले

श्रमती, दाजुभाइ र इष्टमित्रहरू जले

उसले लगाएको भाङ्ग्रा, भोटो र गादो जल्यो

बक्खु, धोती र हकुपटासी जल्यो

थाहा छ

ऊ किन जलेन ?

 

उसलाई आतङककारी भन्यौ

सरकारी गुप्तचर भन्यौ

तिम्रो चरम यातनाले

उसका बिनयी हातहरू छिनालिए

निर्दोष आाखा र जिब्रो थुतियो

घाँटी र खुट्टाहरू गिाडिए

उसको पृथिवीजस्तो मुटुलाई

सङ्गीनले उनेर

विजयको हुङ्कार गर्यो

तर थाहा छ

ऊ किन मरेन ?

 

यस धरतीको सबभन्दा पुरानो मासिनलाई मार्न

सबभन्दा नयाँ कुरा चाहिन्छ

 

तिमीसित अब

के छ त्यस्तो कुरा..... ?

 

भाषा ?

धर्म ?

जाति

संस्कृति, सम्प्रदाय, राष्ट्रियता

वा-

सुप्रिम अमेरिका ?

 

तिमीसित अब

के छ बाँकी त्यस्तो कुरा... ?

जसले-

यस धरतीको सबभन्दा पुरानो मानिसलाई मार्न सक्छ

के तिमी-

खेतमा धानको गन्धलाई मार्न सक्छौ ?

के तिमी-

पहाडको बतासको गन्धलाई मार्न सक्छौ ?

के तिमी-

समुन्द्रमा पानिको गन्धलाई मार्न सक्छौ ?

 

तिमीसित अब

क छ  त्यस्तो कुरा...

भन ! के छ ?

जसले-

यस धरतीको पसिनाको गहुागोरो गन्धलाई मार्न सक्छ ?