बैद्यनाथ उपाध्याय

हिंडदै जाँदा जीवनको गोरेटोमा

अघिल्लो पाइला

जमीनमा पर्ने हो कि

कुनै खाडलमा कसले भन्न सक्छ?

बनाएको बाटो जीवनमा

सबलाई कहाँ नसीब हुन्छ र !

नाला, कान्ला, झार-जंगल

जे आऊँछ अगाडि

काँडाले रक्ताम्य पाइला अघि सार्दै हिंडनै पर्छ !

पीडाको भारी बोकेर पिठ्यूँमा

धेरै भयो हिंडेको

यो यात्रामा

कहाँ भेटिएला बिसौनी

सुर्यास्तको समय आएको छ

पार गर्नु छ

धेरै डाँडा र कान्लाहरु !