चाल उस्तै उस्तै

Author : अशोक राई
Published on : February 17, 2011


  
अशोक राई

चालक नयाँ भएपनि चाल उस्तै उस्तै

बाजा फरक परेपनि ताल उस्तै उस्तै

 

ढुंगा फ्याँकी तलाउको शान्ति बिगार्नेले

सुनामी नै ल्याँउछु भन्छन् छाल उस्तै उस्तै

 

बिनाश रोकी बिकास ल्याउने कुरा धेरै भए

जोगी धेरै आए कानको हाल उस्तै उस्तै

 

सियो बनी पसेर निस्कन्छन् फाली बनी

पासा फ्याँक्ने सकुनीको जाल उस्तै उस्तै

 

खै ! कस्ले लिने चासो यहाँ जनताको

हिजोदेखि आजसम्म सवाल उस्तै उस्तै

 

भन्छन् सबै बनाउछु केही खास नयाँ

नयाँ युगको 'नयाँ नेपाल' उस्तै उस्तै ।