सचित राई

तिम्ले दे'को विश्वासमा आफैँ घात गर्‍यौ

मेरो साँचो प्रीतिलाई बीचबाटै छाड्दियौ

संसार अट्ने मेरो दिलमा तिमी अट्न सकेनौ

बसाऊ अन्तै सुखी जीवन मसँग त बसाएनौ

सागर जत्रो मेरो मनलाई थोपा जत्रो ठान्यौ

पारि तार्छु भन्दै लग्यो मझधारमै छाड्दियौ

तिम्रो मेरो भेट अब त लाग्न थाल्यो सपना हो

सँगै जिउने-मर्ने वाचा बालुवाको घर भयो

संसार जत्रो मेरो मनलाई तिल जत्रो ठान्यौ

सगर चुम्छु भन्थ्यौ तर बगरमै छाड्दियौ ।