गीत

Author : प्रगति राई
Published on : September 17, 2010


  
प्रगति राई

मनकै रहर मरेपछि म त मलामी छु

सीसा रै'छ उनको माया फुटी धुलाम्य छु

 

कोही मेरो सारथी छ- यस्तो लाग्यो होला

तर्न सक्छु सयौं जङ्घार -जस्तो बर्खे खोला

हुन्न रै'छ भाग्य सबलाई रोई जलाम्य छु

सीसा रै'छ उनको माया फुटी धुलाम्य छु

 

म भित्रको अर्को मान्छे मलाई हेरी रुन्छ

मेरो आँसु देख्न्ने साक्षी मात्रै एउटा जून छ

सपना नै मरेपछि म त मलामी छु

सीसा रै'छ उनको माया फुटी धुलाम्य छु