लिम्वूवानको खातिर

Author : टंक सम्वाहाम्फे
Published on : August 02, 2010


  
टंक सम्वाहाम्फे

सेवारो आदाङवे

हतारमा पो हुनुहुन्छ कि ?

वेफुर्सदी नै भए पनि

आउनुहोस्

किनभने अहिले देशलाई

पुन निर्माण गर्ने वेला भएको

लिम्वूवानको अस्तित्वलाई खोज्ने वेला आएको

हिउदको ठिही वर्षाको झरीबादल सहेर

कति मेलापातमा मात्र सिमीत रहने

धनको लोभ लालचमा फसेर

कति परदेशी मात्रै भैरहने

अव हामीले आफ्नै लिम्वूवानको जोहो गर्नुपर्छ

लिम्वूवानको सुनौलो भविष्यलाई खोज्नु पर्छ

 

आदाङवे

अव हामीले यो देशमा

आत्मानिर्णयको अधिकार खोज्नु पर्छ

हरेक तह ताप्कामा

हाम्रो सहभागीतालाई अनिवार्य वनाउनु पर्छ

हक अधिकारको लागि एकाधिकार चिरेर

हामी अगाडि अगाडि वढ्नु पर्छ

लिम्वूवानको लागि

हामी सवै लिम्वूहरू लड्न तयार हुनु पर्छ

किनभने हामीले

जाति भाषा संस्कृतिको संरक्षण गर्नु

समग्र लिम्वू लिम्वूवानको उत्थान गर्नु

त्यसैले आदाङवे

यसवेला हामीले

लिम्वू लिम्वूवानको लागि

केहि सोचेनौ भने

लिम्वूवान राज्यको लागि

लागि परेनौ भने

मात्र इतिहास वन्नेछौ

जो हिजो लेखिएको थियो त्यस्तै

अव साच्चै लिम्वू भएर जाग्नु पर्छ

लिम्वूवानको खातिर

 

आदाङवे

हतारमा पो हुनुहुन्छ कि ?

वेफुर्सदी नै भए पनि

आउनुहोस्

किनभने अहिले देशलाई

पुन : निर्माण गर्ने वेला भएको

लिम्वूवानको अस्तित्वलाई खोज्ने वेला आएको

 

- हङकङेली नेपाली कविताको एक दशक सन्दर्भमा

   कविता अभियान ! !