गजल

Author : केदार श्रेष्ठ
Published on : July 06, 2009


  
केदार श्रेष्ठ

दिनदहाडै छिमेकीले साध मिच्न थाले पछि

चुपचाप सधैं बस्नु हुन्न जङे पिलर ढाले पछि ।

 

गर्दा गर्दै अलिअलि सबै मेरै भन्न बेर छैन

सिमानाको ढुङो सारी त्यही कुकुर पाले पछि ।

 

मन्त्री,प्रधानमन्त्री सबै रमिते भो खै किन आज

अठारौ सताब्दीका नारी झै शीरमा सिन्दुर हाले पछि ।

 

लुते,लाम्रे भनी हेपेका हौला गगनलाई ए सधियार

वलभद्र,भक्तीको याद आउँला दिउसै बत्ती बाले पछि ।