गीत

Author : प्रकाश थाम्सुहाङ
Published on : May 22, 2009


  
प्रकाश थाम्सुहाङ
Author

हुरी आयो कि सोल्टी माया बगैँचामा

चाँडै आउनु पर्खिरैछु मुटु फलैँचामा

 

चाहिएन शिरबन्दी खाली हात आए हुन्छ

हजुर आउँदा एकैसाथ जूनघाम पाए लाग्छ

बाँझो पर्यो कि  सोल्टी मनको   बारीमा

चाँडै आउनु पर्खिरैछु मुटु फलैँचामा

 

बाटो हेरेँ हेरीरहेँ हजुर आउने आसमा

निस्तो रह्यो जीवन पनि बैँशालु रातमा

बाढी आयो कि सोल्टी प्रेमको गङ्गामा

चाँडै आउनु पर्खिरैछु मुटु फलैँचामा