माया बस्या

Author : केदार श्रेष्ठ
Published on : March 13, 2009


  
केदार श्रेष्ठ

मलाई छाडि के भो र अर्कै माया पायौ होला

धोका दिन मलाई जस्तै झूटो कसम खायौ होला ।

 

झूटो नाटक गर्न सक्छौ मेरो अघि रोए जस्तै

रुँदै हाँस्दै उसलाई पनि साउनुसम्म सायौ होला ।

 

संगत तिम्रो धेरै गरेँ बुझ्न गाह्रो रैछ वानी

त्यही वानीले मलाई झैँ कति बसाइँ सार्यौ होला ।

 

हल्ला थियो गाउँघरमा तिम्रो मेरो माया बस्या

झूटो हल्ला गर्या भनि दोष मलाई लायौ होला ।

 

बाहिर रुप फूल जस्तो भित्र-भित्रै खोक्रो रै

'गगन'लाई जालमा पार्न बादल बनि धायौ होला ।

 

 

भीमस्थान-,सिन्धुली

हाल-अनेसास यू...च्याप्टर