Send us your Literature

    Main Categories
Editorial / सम्पादकीय
Interview / अन्तर्वार्ता
Poetry / कविता
Story / कथा
Essay / निबन्ध
Drama / नाटक
Novel / उपन्यास
Criticism / समालोचना
Article / लेख
Lyrics / गीत/गजल
Memoir / संस्मरण
New Talent / नव प्रतिभा
Review / समिक्षा
English / अंग्रेजी
Others / विविध

  More Options
Interview / अन्तर्वार्ता
Most Viewed / धेरै पढिएका
Top Rated / धेरै मत पाएका
Videos / भिडियो
Photos / विशेष तस्वीरहरु
Published Books / सृजनशील साहित्य समाजबाट प्रकाशित पुस्तकहरु

  Advertisement


Titles Description    Advance Search

Published : May 04, 2014 | Author : समा श्री
Category : Poetry / कविता | Views : 909 | Unrated

  
समा श्री

नाकैभरि

केही मग्मगाएको छ

अस्तित्वैभरि

केही गम्किएको छ

म सुँङ्छु

भित्र कतै आफैलाई

अहँ !

त्यहाँ म

केही ठोस पनि छुइन

त्यहाँ म

केही तरल पनि छुइन

फेरि यो लहराउँदै चलेको वासना के को ?

फेरि यो फैलिरहेको सुगन्ध के को ?

मन किन भौँतारिरहेछ ?

किन यो तृष्णा फैलिरहेछ ?

 

एका बिहानै शुष्क पवनले

नमी सोसेर तातो सास फेर्छ

म आँखाभरि तृष्णा बटुलेर

क्षितिज देखि क्षितिजसम्म फैलिएको

उजाड उराठ धरातल हेर्छु

बालुवाबाट निस्किएका

ताता बाफ हेर्छु

दृष्टिभ्रमले पनि

कतै कुनै फूल देख्दिन

बालुवाको सरोवरमा कुमुद फुल्दैन

मरुभूमिका छातीमा फूल फुल्दैनन्

बिना फूलका यी शुष्कतामा

फेरि यो लहराउँदै चलेको वासना के को ?

फेरि यो फैलिरहेको सुगन्ध के को ?

मन किन भौँतारिरहेछ ?

किन यो तृष्णा फैलिरहेछ ?

 

कोठामा टाँगिएको भित्तेपात्रोले

सयौँ पाना पल्टाईसकेकोछ

अनगिन्ति ऋतुहरु

दोहराइसकेको छ

हरेक बर्षातमा म कैयौँ पटक भिजेको छु

हरेक हिउँदमा म धेरै पटक नाङ्गिएको छु

प्रत्येक शरदमा म फेरि पलाएको पनि छु

र पनि

चेतनामा कुनै फेरबदल छैन

अस्तित्वमा कुनै बदलाव छैन

स्वादमा कुनै परिवर्तन छैन

चहनामा कुनै परिष्कार छैन

फेरि यो लहराउँदै चलेको वासना

फेरि यो फैलिरहेको सुगन्ध

किन मनलाई व्याकुल बनाउँछ

किन अन्तरात्मा भौँतारिन्छ ?

किन यो तृष्णा फैलिरहन्छ ?

 

मन मारेर परदेशमा

म आफैमा गुजिल्टिन्छु

फेरि उहि सुगन्ध आउँछ

फेरि उहि म वासना महकिन्छ

कोट्याएर आफैलाई चाख्छु

रगडेर आफैलाई सुङ्छु

म नै मगमगाएको रहेछु

म नै गम्किएको रहेछु

म अर्थात माटो

म अर्थात मेरो देश

परदेशमा

देश गम्कदो रहेछ

परदेशमा

माटो मग्मगाउँदो रहेछ

नाभिबाट बिना छुट्टिएपछि

कस्तुरी भड्काईले बुझायो

किन रोइरहेछिन जननी ।




1 2 3 4 5
please rate this article     Poor
Excellent    

 Visitor's Comments !
Posted by rupesh adhikari on May 05, 2014
सारै गहिरार्इ छुने शब्दलहरहरू छन् , बधार्इ समा श्री ज्युलार्इ ,, यो कविता पढेर त यो मन अझ हतारियो , अतालियो ,, नकि,, हजुरको अरू मेहनतहरू हेर्नलार्इ ,, शुभ पल ,


Posted by sama shree on May 05, 2014
i am very thank full to you and your bagaicha.com post


Most recent articles in Poetry / कविता category

परिवर्तन
पहाडको फेदीमा
जानी दुश्मन
श्रद्धाञ्जली चढाएँ
अस्तित्वको लडाई
अवसरको खेती ‘चुनाउ’
प्रकृति हो नारी
समसामयिक कवि
मानक सपना
हरित सुन्दरी
म एउटा कलम हुँ
पर्देशिको जीवन
यो गोर्खे
स्वतन्त्रताको पराकाष्ठ
फर्की आउ परदेशी
ह्याप्पी होली
मिडिया गेटकिपिङ
कविता

    Links
Column / स्तम्भ

    Random Pick
टाकुन टुकन
नेताको भाषन
जनतालाई आश्वासन
आकाशको फल
आँखा तरी ढल ।

    Statistics
Total Articles
670
Total Authors
231
Total Views
615005
Total Categories
15

  More Links

Srijanshil Sahitya Samaj Hong Kong, Online Literature Collection of all Genre ...
Copyright 2020 © www.literature.bagaicha.com