Send us your Literature

    Main Categories
Editorial / सम्पादकीय
Interview / अन्तर्वार्ता
Poetry / कविता
Story / कथा
Essay / निबन्ध
Drama / नाटक
Novel / उपन्यास
Criticism / समालोचना
Article / लेख
Lyrics / गीत/गजल
Memoir / संस्मरण
New Talent / नव प्रतिभा
Review / समिक्षा
English / अंग्रेजी
Others / विविध

  More Options
Interview / अन्तर्वार्ता
Most Viewed / धेरै पढिएका
Top Rated / धेरै मत पाएका
Videos / भिडियो
Photos / विशेष तस्वीरहरु
Published Books / सृजनशील साहित्य समाजबाट प्रकाशित पुस्तकहरु

  Advertisement


Titles Description    Advance Search

Published : December 01, 2013 | Author : अजम्बर राई
Category : Poetry / कविता | Views : 672 | Rating :

  
अजम्बर राई

मेरो तेञ्जिङ

मैले तिमीलाई सगरमाथा दिएँ,

मेरो पहरा

मैले तिमीलाई लालीगुराँश दिएँ,

 

मान्छेका मनहरूलाई

छालाको रङ्गले जोख्ने

काला हुनुको अभिशापमा

सेताहरूले केपटाउनको जेलमा ठोक्ने

सत्ताइस वर्षका रङ्गीन बसन्तहरूमा

चाँदीको पिँजडामा कैदी बनाइएर पनि

स्वतन्त्रताको गीत गाउदै

रङ्गभेदको पर्खाल ढाल्ने

मेरो मुक्तियोध्दा

मैले तिमीलाई विजयको अजम्बरी माला लगाइदिएँ,

मेरो सम्राट

मैले तिमीलाई श्रध्दाको कञ्चन मुकुट पहिराइदिएँ,

 

आफ्नै आँगनमा

परदेशी झैँ पीडा भोग्ने

परदेशी गोराहरूले

बाइबल दिदै जमीन साट्दा

कुन हब्सीले सक्न रोक्ने ?

जमीनपति भएपछि

कालो घोडा लगाम खैंची

सेतो राजा सवार हाँक्ने

बारूदको गन्ध सुँघ्दै

छातीले तोपको मोहरी ढाक्ने

अनवरत सङ्घर्षको कठीन इतिहासबाट

पशुबाट मान्छे हुँदा

मेरो अफ्रिका

मैले तिमीलाई खुशी बाँड्दै हर्षाश्रु झारिदिएँ,

मेरा अफ्रिकन

मैले तिमीहरूसँगै हाँसी हाँसी छमछम नाँचिदिएँ,

 

आँधीसँग जिस्किहिँड्ने

सूर्योदयलाई दुश्मन ठान्ने

ज्याक्शन दाइको करङहरूमा

अन्यायी संविधानको सुट टाइ सुकाउने

जुलु दिदीको खप्परमा

कालाहरूको राता रगत भोड्का मानी घुट्क्याउने

बाघको छालामा

स्यालको रजाइँ, ढलीमली गर्ने

आज आँधीले उडाइदिँदा

रक्तिम सूर्य विहान उदाइदिँदा

दशकौंमा नयाँ युगको शुरू हुँदा

हेल्लो बोथा

मैले तिम्रो निधारमा कालो कलङ्क देखेँ,

हेल्लो डे क्लार्क

मैले तिमीलाई जिउदो लाश झैँ चिहानभित्र देखेँ,

 

मेरो युगको महानायक

अश्वेत राजको सूत्रधार

बाइबल अब फिर्ता देऊ

आफ्नो हातमा आफ्नै जमीन फिर्ता लेऊ

मलाई पनि तिम्रो

अश्वेत निधारमा

गुराँशको रातो टिका जीतमा लगाइदिन देऊ

मोलाइस र क्रिश हनीजस्ता

हज्जारौं अश्वेत शहीदहरूका

रक्तिम रगत कलमभित्र भरी

बधाई लेखी पठाएको छु, स्वीकारी देऊ

मेरो धड्कन

मैले तिमीलाई जीवन मागेँ,

मेरो अग्रज

मैले तिमीलाई प्रेरणा मागेँ,

 

थुम्काहरू सबै चढ्छन्

गमलामा ढुङ्गा फुल्छ

युगौं पुरानो करेण्ट झैँ डाम्ने

'अपार्थेल्डको कालो पहाड माथि

मानवताको रातो झण्डा शिखर पुगी गाड्ने,

मल, माटो, पानी नभए पनि

दानवताको चट्टाने पहरा माथि

काँडारहीत गुराँश भई फुलिछाड्ने,

मेरो नेल्सन

मैले तिमीलाई सगरमाथा दिएँ,

मेरो मण्डेला

मैले तिमीलाई लालीगुराँश दिएँ ।




1 2 3 4 5
please rate this article     Poor
Excellent    

 Visitor's Comments !
there are no comments...

Most recent articles in Poetry / कविता category

परिवर्तन
पहाडको फेदीमा
जानी दुश्मन
श्रद्धाञ्जली चढाएँ
अस्तित्वको लडाई
अवसरको खेती ‘चुनाउ’
प्रकृति हो नारी
समसामयिक कवि
मानक सपना
हरित सुन्दरी
म एउटा कलम हुँ
पर्देशिको जीवन
यो गोर्खे
स्वतन्त्रताको पराकाष्ठ
फर्की आउ परदेशी
ह्याप्पी होली
मिडिया गेटकिपिङ
कविता

    Links
Column / स्तम्भ

    Random Pick
"गत केही वर्ष देखि नेपाली काव्य साहित्य आफ्नै एक प्रकारको छट्पट्टीले वेचेन देखा पर्दैछ , जस्तोकी प्रसवकालमा नारीको हुन्छ । की कविता पनि गर्भवती भई ? को निस्कियो बहादुर र वीर्यमान ?" ......

    Statistics
Total Articles
670
Total Authors
231
Total Views
687983
Total Categories
15

  More Links

Srijanshil Sahitya Samaj Hong Kong, Online Literature Collection of all Genre ...
Copyright 2020 © www.literature.bagaicha.com