राकेश कार्की All Literature | Contact Author

मंत्रीज्यू

कसरी भो समानता

जब बिचरो सिपाहीले

सधैं बुट बजारेर हजूरलाई

स्यालोट ठोक्नु पर्छ भने,

हजूरको विदेश भ्रमण

किन समान छैन

पसिनाले रुझेर भारी बोक्ने

भरीया दाईको

उकालो ओरालोसंग ?

हजूरको बोलाई हाईफाई छ

हजूरको बसाई हाईफाई छ

डुलाई खवाई हिडाई पियाई

लवाई हँसाई सुताइ रिसाई

सबै सबै हाईफाई छ

समानता नारामा हुँदोरैछ

संविधानको धारामा हुँदोरैछ

समानता भाषणमा हुँदोरैछ

समानता रासनमा किन हुन्न ?

समानता शासनमा किन हुन्न ?