Send us your Literature

    Main Categories
Editorial / सम्पादकीय
Interview / अन्तर्वार्ता
Poetry / कविता
Story / कथा
Essay / निबन्ध
Drama / नाटक
Novel / उपन्यास
Criticism / समालोचना
Article / लेख
Lyrics / गीत/गजल
Memoir / संस्मरण
New Talent / नव प्रतिभा
Review / समिक्षा
English / अंग्रेजी
Others / विविध

  More Options
Interview / अन्तर्वार्ता
Most Viewed / धेरै पढिएका
Top Rated / धेरै मत पाएका
Videos / भिडियो
Photos / विशेष तस्वीरहरु
Published Books / सृजनशील साहित्य समाजबाट प्रकाशित पुस्तकहरु

  Advertisement


Titles Description    Advance Search

Published : November 06, 2012 | Author : दाजु गुरूङ
Category : Poetry / कविता | Views : 1058 | Rating :

  
दाजु गुरूङ

सधैं सधैं मैले हिड्ने बाटाहरू

लमतन्न तन्किरहेको निलो समुन्द्रसँग जम्का भेट हुनेगर्छ

अटेरी समुन्द्र निर्धक्क छ

र त निर्धक्क लम्पसार परेर सगर हेरिरहेछ,

 

समुन्द्र, तिम्रो र मेरो सामिप्यता

र यो निरन्तर सहवासको प्रेम-कथा धेरै लामो छैन

न त तिम्रो र मेरो आशक्त्तिताको कुनै इतिहास वनेकोछ

र पनि तिमीलाइ आफूमा समाहित  गरेको छु

अनि तिम्रो छालका पानाहरूमा

हाम्रो मिलनका यादगार रंगीन चित्रहरू छाँयाङ्कन गरेकोछु

र त हरेक दिन

हामी विच एउटा सुखद संसर्ग अनिवार्य बनेकोछ  ,

सधैं सधैं म छालका पानाहरूमा यो सुखद संसर्गको विम्वहरू खोजिरहेछु

खोजिरहेछु, आफ्नै जिन्दगीका उकाली वरालीहरूका कथाहरू 

रोजिरहेछु, छालका पानाहरूमा आफ्नै जिन्दगीका सुसेलीहरू,

 

तिमीलार्इ थाहा छ समुन्द्र

हरेक दिनका मेरा यात्राहरूका शुभारम्भ 

तिम्रै चिसा वालुवाहरूमा

पाईलाहरूका अक्षत नक्साहरूबाट हुन्छ

र त तिमीसँगको सामिप्यताको उष्णता

असिम सहवासको स्वणिर्म रसानुभूति वर्षौ जस्तो लाग्छ

किन की समुन्द्र

तिम्रो फैलावटमा

तिम्रो उचाईमा

अनि तिम्रो गहिराईमा

मेरो हिमाल सधैंको सांक्षी छ

कोशी, गण्डकी कर्णाली पनि सांक्षी छ

सांक्षी छन मेरा काली -गंङ्गाहरू

र त  तिमी भित्र मेरो गङ्गाहरू खोजिरहेछु

मैले तिमीमा मेरा गङ्गाहरू भेटिरहेछु  

किन की म भित्र पनि आशाहरू जीवितछन्  

तृष्णाहरू जीवित छन्

र त तिमी भए पनि म मेरो सगरमाथा  खोजिरेछु,

किन की मेरो हिमालले तृष्णा मेट्छ

तिम्रो सागरले गला बिंच्छ

र त तिम्रो किनारमा उभिएर म  

छालका पानाहरूमा हिमाल खेाजिरहेछु,

 

थाह छ मलाई समुन्द्र,  

सदियौ देखिको इतिहास तिमीले देखेकिछ्यौ

सबै सबै इतिहासहरू छालका पानाहरूमा लपेटेकिछ्यौ 

छालको एउटा खुल्ला दस्तावेज वनाएकीछ्यौ 

र त हरेक क्षणका हावाको झोंकाहरूसँग

छालका पानाहरू परिवर्तित भैइरहेछ

समयका कथाहरूलाई समाहित गर्दै गर्दै

यो पनि सबैलाई थाँहा छ समुन्द्र  

छालका पानाहरूमा इतिहास लेखिएका हुन्छन् 

छालका पानाहरू इतिहासको भूतै भूतैले भरिएका हुन्छन्

र कहाली लाग्दो मसानहरूले गँाजिएका हुन्छन्

तर म तिम्रो छालका पानाहरूमा

तिमीसँगको अतृप्त सहवासमा 

दैनिकीको उष्ण सामिप्यतामा 

इतिहासको सौदावाजी गरिरहेको छैन 

वरु नयां इतिहासको शुरुवात गरिरहेछु   

म त तिमीमा वर्तमान मागिरहेछु,  

भविष्य खोजिरहेछु      

किन कि तिम्रो फैलावटमा 

उचाइमा 

अनि गहिराईमा

मेरो हिमालको सांक्षी खेाजिरहेछु

मेरो वुद्धको वुद्धत्वको महाज्योति तिमीमा खोजिरहेछु 

अनि सिङ्गो म हुनुको अर्थ खोजिरहेछु 




1 2 3 4 5
please rate this article     Poor
Excellent    

 Visitor's Comments !
there are no comments...

Most recent articles in Poetry / कविता category

परिवर्तन
पहाडको फेदीमा
जानी दुश्मन
श्रद्धाञ्जली चढाएँ
अस्तित्वको लडाई
अवसरको खेती ‘चुनाउ’
प्रकृति हो नारी
समसामयिक कवि
मानक सपना
हरित सुन्दरी
म एउटा कलम हुँ
पर्देशिको जीवन
यो गोर्खे
स्वतन्त्रताको पराकाष्ठ
फर्की आउ परदेशी
ह्याप्पी होली
मिडिया गेटकिपिङ
कविता

    Links
Column / स्तम्भ

    Random Pick
मानव समाज र सभ्यताको विकास, व्यवस्थापन र संरक्षण गर्ने शास्त्र राजनीति (पोलिटिक्स् या पोलिटी) हो । तर, राजनीतिकारहरूले यसको अर्थ नबुझ्दा सर्वसाधारण जनमानसमा राजनीतिको गहनताले सकारात्मक प्रभाव पार्न सकेको छैन । तेसो र दार्शनिक परिप्रेक्ष्यबाट राजनीतिलाई सम्बोधन गर्दै म साहित्यलाई ज्ञानको राजनीति मान्दछु । उहिले सृजनशील अराजकताको घोषणाकालमा हामीले भन्ने गरेको पनि यही हो......

    Statistics
Total Articles
670
Total Authors
231
Total Views
867576
Total Categories
15

  More Links

Srijanshil Sahitya Samaj Hong Kong, Online Literature Collection of all Genre ...
Copyright 2020 © www.literature.bagaicha.com