Send us your Literature

    Main Categories
Editorial / सम्पादकीय
Interview / अन्तर्वार्ता
Poetry / कविता
Story / कथा
Essay / निबन्ध
Drama / नाटक
Novel / उपन्यास
Criticism / समालोचना
Article / लेख
Lyrics / गीत/गजल
Memoir / संस्मरण
New Talent / नव प्रतिभा
Review / समिक्षा
English / अंग्रेजी
Others / विविध

  More Options
Interview / अन्तर्वार्ता
Most Viewed / धेरै पढिएका
Top Rated / धेरै मत पाएका
Videos / भिडियो
Photos / विशेष तस्वीरहरु
Published Books / सृजनशील साहित्य समाजबाट प्रकाशित पुस्तकहरु

  Advertisement


Titles Description    Advance Search

Published : January 03, 2012 | Author : दाजु गुरूङ
Category : Poetry / कविता | Views : 761 | Rating :

  
दाजु गुरूङ

लामा लामा बाटाहरूका पट्यारलाग्दो डोरीहरूमा

समयको कहाली लाग्दो लिङ्गेपिङ मच्याएर

जिन्दगी मच्चिमच्चि पिङ खेलिरहेछ

अलिकति रहरमा

अलिकति अभरमा

अलिकति कहरमा

लड्दैउठ्दै लड्दैउठ्दै पिङ खेलिरहेछ

जिन्दगीका खेलहरू स्वचालितछन

खेलाडीको दौडने पाईलाहरू पनि स्वचालित छन्

र त जिन्दगी यसै चालिरहेछ,उसै चलिरहेछ

यो अनुबन्धनको जिन्दगी,

 

डाँडा पाखाहरूमा दौडने जिन्दगी

रोदीमा दोहरी गाँउदै नाँच्दै हिडने जिन्दगी

बैंसलाई धरौटी राखेर

अनुबन्धनको डोरीमा पिङ खेलिरहेछ

धरौटीमा कैद पाईलाहरू

अध्याराहरूमा पनि चिप्लिरहेछ

उज्यालाहरूमा पनि चिप्लिरहेछ

र चिप्लिरहेछ

दृष्य अदृष्य ईशाराहरूमा आज्ञाहरूमा र रिमोटको तालहरूमा,

 

खुल्ला आकाशमा बेगमारी उड्ने जिन्दगी

आफन्तहरूका न्यानो काखमा फक्रेको जिन्दगी

सगरमाथा चुम्ने पाईतलाहरू लिलामीमा परेपछि

जिन्दगी कतै बाद्यतामा साटिएका छन्

पाईलाहरू कतै बन्दकीमा वसेकाछन्

आस्थाहरू कतै जमानीमा थाँती राखिएका छन्

सपनाका फूलाउने भिषाका टाँचाहरू सँग

र केही बचेको

केही साँचेको

अलिकति कहिकतै टाँसिएको

जिन्दगी कतै मान अपमानको धारले

कतै म हुनको काणले

कतै समयको वाणले

ढल्दै ढल्दै गईरहेछन्

नदीको बेगले किनारलाई ढाले जस्तै ,

अनि खिईदै खिईदै गईरहेछन्

कहिले रवरका जँगलहरूमा

कहिले वालुवाको महासागरहरूमा

कहिले मानवता हराउने सपनाका छालहरूमा

यो अनुवन्धनमा झुण्डिएको जिन्दगी,

 

बोझिला लम्पट बाटाहरूका डोरीहरूमा

समयको काहाली लाग्दो लिङ्गेपिङ मच्चाएर

जिन्दगी पिङ खेलिरहेछ

एउटै तालमा यन्त्रिक मुटु बोकेर

र त उज्यालाका घामहरू

अध्याराका रातहरू

कहिले अगस्ति बाटाहरूले चपाईदिन्छन्, निलिदिन्छन्

कहिले कंक्रिटका जंगलहरूमा वल्छन् निभ्छन्

कहिले नुनिलो सागरहरूमा उदाउछन् अस्ताउछन्

जिन्दगीको थैली रित्याउदै रित्याउदै

के भन्ने र रित्तो जिन्दगीको

कुनै निजि दिनहरू छैनन्, रातहरू छैनन्

दिनहरू रातहरू वन्दकीमा छन्,

लिलामको बोलकबोलमा उभिएकाछन्

र त पाईलाहरू मनहरू

समयको लिङ्गेपिङ खेल्दैखेल्दै

खिईदै खिईदै गईरहेछन्

तेल सकिएको धिप्री जस्तै

संजालका कृतिम बाटाहरूका डोरीमा झुण्डिएर

यो अनुवन्धनको जिन्दगी ।




1 2 3 4 5
please rate this article     Poor
Excellent    

 Visitor's Comments !
there are no comments...

Most recent articles in Poetry / कविता category

परिवर्तन
पहाडको फेदीमा
जानी दुश्मन
श्रद्धाञ्जली चढाएँ
अस्तित्वको लडाई
अवसरको खेती ‘चुनाउ’
प्रकृति हो नारी
समसामयिक कवि
मानक सपना
हरित सुन्दरी
म एउटा कलम हुँ
पर्देशिको जीवन
यो गोर्खे
स्वतन्त्रताको पराकाष्ठ
फर्की आउ परदेशी
ह्याप्पी होली
मिडिया गेटकिपिङ
कविता

    Links
Column / स्तम्भ

    Random Pick
"गत केही वर्ष देखि नेपाली काव्य साहित्य आफ्नै एक प्रकारको छट्पट्टीले वेचेन देखा पर्दैछ , जस्तोकी प्रसवकालमा नारीको हुन्छ । की कविता पनि गर्भवती भई ? को निस्कियो बहादुर र वीर्यमान ?" ......

    Statistics
Total Articles
670
Total Authors
231
Total Views
643693
Total Categories
15

  More Links

Srijanshil Sahitya Samaj Hong Kong, Online Literature Collection of all Genre ...
Copyright 2020 © www.literature.bagaicha.com