Send us your Literature

    Main Categories
Editorial / सम्पादकीय
Interview / अन्तर्वार्ता
Poetry / कविता
Story / कथा
Essay / निबन्ध
Drama / नाटक
Novel / उपन्यास
Criticism / समालोचना
Article / लेख
Lyrics / गीत/गजल
Memoir / संस्मरण
New Talent / नव प्रतिभा
Review / समिक्षा
English / अंग्रेजी
Others / विविध

  More Options
Interview / अन्तर्वार्ता
Most Viewed / धेरै पढिएका
Top Rated / धेरै मत पाएका
Videos / भिडियो
Photos / विशेष तस्वीरहरु
Published Books / सृजनशील साहित्य समाजबाट प्रकाशित पुस्तकहरु

  Advertisement


Titles Description    Advance Search

Published : August 10, 2011 | Author : नरेश ठूले
Category : Poetry / कविता | Views : 945 | Rating :

  
नरेश ठूले

को होला त्यो ?

त्यो को होला ?

जो, सदियौं देखिको डुलुवा ख्याँक जस्तै

डुल्दैडुल्दै

चिह्याउँदै-चिह्याउँदै

लुत्त पस्दछ भित्र सियो बनेर

भास्सिदै भास्सिदै भित्र, झन् भित्र

जति भेट्टाउँछ कमलो र मलिलो

बुताले भ्याएसम्म फैलाउँदै एजेरु

चौतर्फी धूर्त जरा फिजाउँछ

चुसेर, सोसेर, चिथोरेर मलिलो रस

रुखो, पत्रु, कुरूप बनाउँछ उर्वरभूमि

, अतिक्रमण गरेर एकछत्र

साम्राज्य जमाउन खोज्दछ,

 

त्यो को होला ?

को होला त्यो ?

सप्पैले निगरानी राख्नु पर्ने भएको छ

सप्पैले चिन्नै पर्ने भएको छ,

 

जोगीको भेषमा

एउटा हातमा चिम्टा

अर्को हातमा कमण्डलु

निधारमा विगौत घसेर

गाउँबस्ती चहार्छ

चर्को छदम् स्वरमा

ईश्वरको भक्ति गाउँदै

कथित ईश्वरको त्यो छदम् पूजारी

तर्साउदै आदिम मान्छेलाई

आफ्नो कमण्डलु र झोली भर्दछ,

 

त्यो को होला ?

को होला त्यो ?

सप्पैले निगरानी राख्नु पर्ने भएको छ

सप्पैले चिन्नै पर्ने भएको छ,

 

हो त्यो...

कहिले मगन्ते

कहिले सुकुम्बासी शरणार्थी

कहिले दुःखी गरीब र पिडित

अनेक रूप धारण गरेर

खेतमा आइपुग्छ

बारीमा आइपुग्छ

गोठमा आइपुग्छ

, आइपुग्दछ घर दैलामा

मसार्दै पर्सादै खुनी हात

अनुनय विनयको भङ्गीमा

अनेक अभिनय गर्दछ

, टाँसिन्छ जुकाजस्तै,

 

त्यो को होला ?

को होला त्यो ?

सप्पैले निगरानी राख्नु पर्ने भएको छ

सप्पैले चिन्नै पर्ने भएको छ,

 

कतै साइनो गाँसेर ज्वाईंको

कतै बुहारीको

कतै साइनो मित-मितिनी 

कतै प्रेमी प्रेमिका, हितैषी साथी

कतै भरिया, गोठाला-खेतला

अनेक रूप बदलेर चटके साइनो

अनेक रङ्ग फेरेर छेपारोजस्तो

साइनोका फेरमा झुन्डिएर

प्रवेश गर्दछ आदिम घर

फुटाएर परिवार

फुटाएर समाज

तहसनहस पारेर कमजोर बनाउँछ

, त्यो आदिम घरको

ऊ मालिक वन्ने कुचेष्टा गर्दछ,

 

त्यो को होला ?

को होला त्यो ?

सप्पैले निगरानी राख्नु पर्ने भएको छ

सप्पैले चिन्नै पर्ने भएको छ,

 

गाउँ, टोल, क्षेत्र, ईलाका

सिङ्गो देशमा ऊ पसेको छ

विभेदकारी गोप्य मन्त्र फुकेर

आदिम मान्छेलाई विस्थापित बनाउँदै

आफ्नो किल्ला जमाउन तम्सेको छ

गाउँ गयो उतै छ

शहर आयो यतै छ

राम नाम जप्दै मुखले

च्यापेर बगलीमा धारिलो छुरा

जो प्रहार गर्नको निम्ति दाउ साँधेर

जहाँ गयो तेही छायाँजस्तै

ऊ सँगसँगै पच्छ्याई रहेछ,

 

त्यो को होला ?

को होला त्यो ?

सप्पैले निगरानी राख्नु पर्ने भएको छ

सप्पैले चिन्नै पर्ने भएको छ,

 

गोठ कब्जा गर्यो तेसले

घर कब्जा गर्यो तेसले

गाउँ बस्ती कब्जा गर्यो तेसले

शहर र सिङ्गो देश कब्जा गर्यो तेसैले

, पलायन बनायो आदिम मान्छेलाई

खुन चुस्न पल्केको डुलुवा ख्याँक

चुस्नकै निम्ति

ऊ पनि पलायन भएको छ अभिनय गरेर

, पिठ्युमा टाँसिएको किर्ना जस्तै

जताजता आदिम मान्छे जान्छ

तेतै पुच्छर झुन्डिएर अवतरण भएको छ

, तम्सी रहेछ पुच्छरले शरीर हल्लाउन

तम्सी रहेछ बटुवाले घरपटी धपाउन,

 

त्यो को होला ?

को होला त्यो ?

सप्पैले निगरानी राख्नु पर्ने भएको छ

सप्पैले चिन्नै पर्ने भएको छ,

 

तनले मानव मनले दानव

विष्णुले जस्तै छल्दै हिँड्ने

पशुपतिको योगीजस्तै भोगी

आवरण हेर्यो सोझो छ

स्वभाव हेर्यो धूर्त छ

सदियौदेखिको अर्धपरिचित डुलुवा ख्याँक

यमराजको शैलीमा परिचालित दूत जस्तै

जता पाइला टेक्यो

उतै लम्कन्छ

जे गर्न खोज्यो

उसै गर्न तम्सिन्छ

, झेपालो थापिरहन्छ प्रत्येक पाईलामा

, शिकार बनाएर चुस्दै चुस्दै खुन पसिना

ऊ नै ठालु बनेर

हैकम जमाउन खोज्दछ आदिम मान्छेमा,

 

त्यो को होला ?

को होला त्यो ?

सप्पैले चिन्नै पर्ने भएको छ

, चिनेर ठेगान लगाउनका निम्ति

मन्सेर चोखा टाङमुनिबाट फाल्नु परेको छ

बाचेर हिँड्नुको निम्ति

प्रतिपल होसको मदिरा पिउँनु पर्ने भएको छ ।




1 2 3 4 5
please rate this article     Poor
Excellent    

 Visitor's Comments !
there are no comments...

Most recent articles in Poetry / कविता category

परिवर्तन
पहाडको फेदीमा
जानी दुश्मन
श्रद्धाञ्जली चढाएँ
अस्तित्वको लडाई
अवसरको खेती ‘चुनाउ’
प्रकृति हो नारी
समसामयिक कवि
मानक सपना
हरित सुन्दरी
म एउटा कलम हुँ
पर्देशिको जीवन
यो गोर्खे
स्वतन्त्रताको पराकाष्ठ
फर्की आउ परदेशी
ह्याप्पी होली
मिडिया गेटकिपिङ
कविता

    Links
Column / स्तम्भ

    Random Pick
आज बिदाको दिन बिहान भरी सुत्नु पर्ने । दिनै भरी यता पल्टी उता पल्टी तन्की तन्की सुत्नु पर्ने । चौरासी ब्यन्जन परिकारसँग सोमरस अनि यस्तै यस्तै अन्य रसहरूसँग लठ्ठ लठ्ठीएर बिस्तारामा पल्टीनु पर्ने । अनि २-४ दिन अघि देखिनै कोलबीरे, म्यारिज र बिबिक्यूको आयोजना गरी साँप्रा, पखेटा र करङहरू चपाउँदै हाक्पारे भाकामा रम्नु पर्ने, झुम्नु पर्ने र अलिअलि प्वाँख हाल्दै गरेकी सानी बचेरी छोरी श्रेयालाई गुँडबाट निकालेर बजार, पार्क र मामाघर तिर घुमाउन लानु पर्ने दिन......

    Statistics
Total Articles
670
Total Authors
231
Total Views
674366
Total Categories
15

  More Links

Srijanshil Sahitya Samaj Hong Kong, Online Literature Collection of all Genre ...
Copyright 2020 © www.literature.bagaicha.com