Send us your Literature

    Main Categories
Editorial / सम्पादकीय
Interview / अन्तर्वार्ता
Poetry / कविता
Story / कथा
Essay / निबन्ध
Drama / नाटक
Novel / उपन्यास
Criticism / समालोचना
Article / लेख
Lyrics / गीत/गजल
Memoir / संस्मरण
New Talent / नव प्रतिभा
Review / समिक्षा
English / अंग्रेजी
Others / विविध

  More Options
Interview / अन्तर्वार्ता
Most Viewed / धेरै पढिएका
Top Rated / धेरै मत पाएका
Videos / भिडियो
Photos / विशेष तस्वीरहरु
Published Books / सृजनशील साहित्य समाजबाट प्रकाशित पुस्तकहरु

  Advertisement


Titles Description    Advance Search

Published : July 19, 2011 | Author : प्रगति राई
Category : Poetry / कविता | Views : 705 | Rating :

  
प्रगति राई

आदिम युगमा

तरवारजस्ता दाँत

गुफाजस्ता आँखा

अनकन्टार र झोरजङ्गलजस्तो अनुहार भएका आकृतिहरू देखेर

कोशौँ टाढा भाग्थे रे मान्छेहरू !

समय बित्दैजाँदा

आकृतिहरूले रूप फेरेर मान्छेजस्तै देखिन थाले रे

त्यसपछि

मान्छे र आकृति बीचमा भिन्नता नदेखेर

मान्छेहरू भकाभक भोग चढाइन थाले रे !

दुःखसँग लड्दै-भिड्दै जाँदा

मान्छेहरूले शंकाको ओखति पत्ता लगाए रे

आकृतिहरूले झन् आत्माको रूप फेरेर

मान्छेभित्रै पस्न थाले रे

अब, कि त आत्मा फाल्न पर्यो

कि त रोग पाल्न पर्यो

मान्छेहरू

जताततै भौतारिन थाले रे

भौतारिँदाभौतारिँदै

सिदार्थ गौतम पनि बुद्ध बने रे !

जमानासँगै मान्छेको दिमाग खारिँदै गयो

त्यसपछि

आधुनिक आकृतिहरू

मान्छेको सपना बनेर आउन थाले

अहिले

तिनै सपनाहरूले

मान्छेको आँखा चिमोट्छन्

मान्छेको दिमाग डस्छन्

र हृदयमा कोपर्छन् बारम्बार,

 

जब सपनाहरूले छोप्दछन्

मान्छेहरू आधारातमै छट्पटाउन थाल्दछन्

ओछ्यानले पोल्न थाल्छ

प्यारो मान्छेको साथले चहराउन थाल्छ

र निंद्रालाई बिथोल्छ सपनाले,

 

मान्छे अचानक ब्युँझन्छ

बलेसीमा उज्यालो खस्दा

उसले आफू दौडेको आँगन साँगुरो देख्छ

ऊ आफू हुर्केको घरसँग दिक्दार मान्न थाल्छ

अझ,

हिजोसम्म बाँचिरहेको रोमाञ्चक जिन्दगी

अचानक छ्या लाग्छ,

 

त्यसपछि मान्छेहरू

आदीम कथाकी सुम्निमाले आगेनामा ढुङ्गा पोलेझैँ

छोराछोरी अनाथालयमा छाडेर

घर छाड्न तयार हुन्छन्

दृष्टि गुमाइसकेका आमाबुबालाई

आफ्नो स्वर टेपरेकर्डरमा भरिराखेर

घर छाड्न तयार हुन्छन्

मायाको त के कुरा

टुट्नफुट्न नयाँ समाचार भएन

जन्मने बच्चाहरू बाबुको सुक्रकीटमै सीमित रहेर

विवाह तोड्न तयार हुन्छन् मान्छेहरू,

 

त्यसपछि मान्छेहरू-

यो दुनियाँमा

कसैले जित्न नसकेको भयानक रोगको अगाडि

लुथरकिङले पखालेको जातीय विभेद

अब्राहम लिङ्कनले सिध्याएको दास प्रथा

मार्क्सले अन्त्य गरेको वर्गीय शासन

अथवा,

भर्खरै उन्मुलन भएको हलिया प्रथा

सबलाई नकाम पारेर

आफै दास बन्न तयार हुन्छन् मान्छेहरू,

 

सपनाजडित रोगबाट ग्रस्त मान्छेहरू

हत्केलाको पसिना सुकिञ्जेल टेपरेकर्डर छामेर

रोइरहेकी आमाको समचार आउँदा पनि

आफ्नै लालाबाला आफ्नै सामुन्ने टुहुरा भएको सुन्दा पनि

या, घरबार पहिरोले बगाएको टेलिफोन पाउँदा पनि

पटक्कै रुँदैनन्

बरु हाँस्छन् पो बेस्सरी

उसको लागि दुःख

केवल झरीवर्षा हो, जो भइरहन्छ नियमित

बिनाअर्थ

फिस्स फिस्स हाँसिरहन्छन् मान्छेहरू

भलै,

एक थोपा आँसु बाँकी होला ऊसँग

दुःखलाई जित्ने झिनो आशाको लागि साँचेको हुनसक्छ

पोल्टाभरि मायाले

उही जिन्दगीको प्रेमले,

 

कस्तो ठूलो सङ्कट !

यिनै आकृतिहरूको परिवर्तित रूपबाट

बाँकी मान्छेहरूलाई कसरी बचाउने होला ?

कतै मेरो वंशानु गुणमा पनि

त्यही सपना घोलिएर

बगिरहेको पो छ कि ?

एकदम निरुत्तरित छु म

एकदम प्रश्नहरूमा मात्रै छु म

कतै म पनि

उही मुकुण्डोभित्र पो निर्मित छु कि ?




1 2 3 4 5
please rate this article     Poor
Excellent    

 Visitor's Comments !
there are no comments...

Most recent articles in Poetry / कविता category

परिवर्तन
पहाडको फेदीमा
जानी दुश्मन
श्रद्धाञ्जली चढाएँ
अस्तित्वको लडाई
अवसरको खेती ‘चुनाउ’
प्रकृति हो नारी
समसामयिक कवि
मानक सपना
हरित सुन्दरी
म एउटा कलम हुँ
पर्देशिको जीवन
यो गोर्खे
स्वतन्त्रताको पराकाष्ठ
फर्की आउ परदेशी
ह्याप्पी होली
मिडिया गेटकिपिङ
कविता

    Links
Column / स्तम्भ

    Random Pick
देश सुब्बा रातभरिको अनिदो आँखा बोकी पछाडि ढाडमा सानोझोला बोकेर तर मस्तिष्कमा गरूङ्गो बिचार लिएर भेटघाटको दिन हाम्रो प्रतिक्षाको बाक्लो घेरा तोड्दै लुसुक्क आइपुग्नु हुन्छ । बजारको घुइचोलाई छिचोल्दै । बिचारको केन्द्रमा घोत्लिएर नयाँ बिचारको खोजि गर्नुहुने वहाँको बिकसित बानि पहिले हामी चिनजान हुँदाको समयको भन्दा धेरै परिपक्क भएजस्तो लाग्छ आजभोलि । स्थुल बिचारको माध्यमबाट भित्रि तथ्यपरक जडसुत्रीय कुराहरूले हामीलाई खुबै ब्यूझाउने गर्नुहुन्छ......

    Statistics
Total Articles
670
Total Authors
231
Total Views
707457
Total Categories
15

  More Links

Srijanshil Sahitya Samaj Hong Kong, Online Literature Collection of all Genre ...
Copyright 2020 © www.literature.bagaicha.com