रूद्र नाल्बो All Literature | Contact Author

यी घरका घुरेनमा फुल्ने फूलहरूको

या बारीका कान्ला फुल्ने फूलहरूको

सँधै सँधै

बास्नामात्र थाहा पाउँने नाकहरूलाई

कति भ्रम भएको होला

फूलको अर्थ नबुझ्दा

यी शहरका नगर बदु होस्

या, झुपडीका आईमाईहरू हुन्

खाली रंग मात्र देख्ने आँखाहरूलाई

कति दृष्टि भ्रम भएको होला ?

आमाईहरू माथि,

विचारका धमिलो खेती गर्ने

मेरा प्रिय महाशयहरू हो

फूल -

महलको गमलामा पनि

गरिबको झुपडीमा पनि

मन्दिरको चारकिल्लामा पनि

उसरिनै फुली दिन्छ

रूपहरूमा, नजरहरूमा, व्यवहारहरूमा

आईमाई-

झोपिडीका होस

या, महाभारतको कुन्ती

आईमाइको एक प्रति रंगले

धेरै महाभारतहरू लेख्न सक्छ

थुप्रै थुप्रै लंकाहरू जलाउँन सक्छ

समयका नामुद बादशाहहरूको

सँधैलाई बहीरगमन गरिदिन सक्छ

बस, आईमाईको एक प्रति रंग

तिम्रा हजार फौज भन्दा

बलियो गरि उभिन्छन् युद्ध मोर्चामा,

मेरा प्रिय महाशयहरू

तिम्रा विचारको आइलानी कित्ताहरू

अब सँधै सँधैलाई राजीनाम गरिदेऊ

तिम्रो सत्ता मोहको नशामा

हाम्रा धेरै आमाहरूको सपना खोसिने हुन् ?

हाम्रा धेरै चेलीहरू विधुवा हुने हुन् ?

मलामी साझहरूमा विजय उत्सव नमनाऊ

सत्ता तिम्रो बाबुको बिर्ता होइन ?

समयका कालो इतिहास रच्ने

मेरा प्रिय महाशयहरू हो

फूल जस्तै-

शासित भएर शासन गर्न सिक

बेसरी सिक

फूलबाट-

सत्ताका नियमहरू

सत्ताका पाठहरू

यी, घरका घुरेनमा फुल्ने फूलहरू

या, बारीका कान्लामा फुल्ने फूलहरू

तिम्रा दर्शनक हुन् ।

(महासंघद्वारा आयोजित कविता प्रतियोतामा समावेश प्रतियोगि कविता)