Send us your Literature

    Main Categories
Editorial / सम्पादकीय
Interview / अन्तर्वार्ता
Poetry / कविता
Story / कथा
Essay / निबन्ध
Drama / नाटक
Novel / उपन्यास
Criticism / समालोचना
Article / लेख
Lyrics / गीत/गजल
Memoir / संस्मरण
New Talent / नव प्रतिभा
Review / समिक्षा
English / अंग्रेजी
Others / विविध

  More Options
Interview / अन्तर्वार्ता
Most Viewed / धेरै पढिएका
Top Rated / धेरै मत पाएका
Videos / भिडियो
Photos / विशेष तस्वीरहरु
Published Books / सृजनशील साहित्य समाजबाट प्रकाशित पुस्तकहरु

  Advertisement


Titles Description    Advance Search

Published : December 08, 2010 | Author : युवराज नयाँघरे
Category : Interview / अन्तर्वार्ता | Views : 932 | Rating :

  
युवराज नयाँघरे

निबन्धकार युवराज नयाँघरेको नवीनतम् नियात्रा संग्रह हालै बजारमा आएको छ - घामको चुम्बन । निबन्ध र नियात्रा लेखेर कहिल्यै नथाक्ने नयाँघरेको प्रस्तुत कृति निकै नै चर्चित भएको छ पाठकमाझ । २०६५ सालको मदन पुरस्कार बिजेता नयाँघरेको नियात्रा लेखनबारे र घामको चुम्बनको सेरोफेरोमा उत्तम बाबुसँग गरिएको कुराकानीको आधारमा तयार पारिएको सामग्रि:

तपाईको नयाँ कृतिको हालखबर के छ ?

नयाँघरे : 'घामको चुम्बन' क्रमशः पाठकहरूले रुचाइरहेको पाएको छु । यात्राको चोखो स्वाद र नेपालको सुन्दरता यस कृतिमा रहेको पाठकीय प्रतिकृया मैले पाएको छु । अहिले यसको माग भइरहेको छ ।

'घामको चुम्बन' अरु लेखनभन्दा के कति भिन्न छ ?

नयाँघरे : निश्चय नै भिन्न कृति हो यो । यात्राको सोझो र कोरा बयान यहाँ छैन । भाषाको कलात्मक प्रस्तुति र अनुभूतिको हार्दिक बयान यहाँ पाठकहरूले भेट्न सक्छन् ।

नेपालको कुन - कुन भूभागको बयान छ यस कृतिमा ?

नयाँघरे : पूर्व इलामदेखि पश्चिमी सिमाना महाकाली नदी टेक्दाका अनुभव र सूचना यहाँ लिपिवद्ध छन् । सगरमाथा देखि तराइका सुन्दर गाउँबस्ती पुग्दाका दृश्यहरू मैले यहाँ उतारेको छु । पहाडी खोँचदेखि तराईका समथरसम्म समेटेको छु मैले यहाँ ।

सामाजिक र सांस्कृतिक पक्षहरूको बृतान्त कतिको उतार्नु भएको छ ?

नयाँघरे : प्रशस्तै उतारेको छु मैले । घुमघामको क्रममा त्यहाँको जनजीवन र लोक सभ्यताको प्राप्तिलाई नियात्रामा नउतारे त्यो कमजोर हुन्छ । यतातिर म सचेत छु । घरगाउँका अनेक दृश्य र ती दृश्यका पछाडी थपक्क रहेका भावलाई म लेख्न रुचाउँछु । पात्रले बोलेका कुरा, व्यवहार र प्रभावलाई जति धेरै नियात्रामा उतार्यो - उति रचना शक्तिशाली र यथार्थपरक हुन्छ । मेरो नियात्रा लेखनमा यी कुरा बढ्ता छन् भन्ने लाग्छ ।

घामको चुम्बनमा स्थानीयता कतिको छ नि ?

नयाँघरे : नियात्राकारले स्थानीय पक्षलाई किनार लगाएर लेखेको रचना फोस्रो, नक्कले र काठेमूला जस्तो हुन्छ । मैले घामको चुम्बनमा पिाढीमा बस्दा फाइफस्टारको रोस्टेड चिकेनको बयान गरेको छैन । जुकाले टोकेर हैरान पारेको बेला खरानी खोजेको छु - एन्टिबायोटिक खोजेको छैन । साँचो नियात्रा लेखनमा इमानदारीताको तीब्रता भेटिन्छ ।

भाषिक सुन्दरता कतिको छ यस संग्रहमा ?

नयाँघरे : म यो मामलामा एकदमै सचेत छु । अघिल्ला संग्रहहरूको प्रतिकृयाबाट म उत्साहित छु । ग्रामिण सुन्दरता, हाम्रा बस्तीहरूको ठेट बोलीचाली र संस्कृतिलाई खिप्न उद्यत छु यस संगालोमा पनि । नेपाली भाषाको चोखो रुप र स्वाद पस्केको छु यस कृतिमा ।

नेपालको बृतान्त गर्दा समानता के भेट्नु भो तपाईले ?

नयाँघरे : सुन्दरता । नेपालका हरेक ठाउँ र परिवेश प्रिय छन् । अझ कति विध्वम्स भइरहेका सम्पदा समेत छन् । नेपालका पहाड, तराई र मधेसमा विविधता भए पनि सांस्कृतिक निधि भने विशिष्ट खालको छ ।

'घामको चुम्बन' मार्फत केहि सन्देश छन् कि ?

नयाँघरे : पर्यटन बर्षमा साहित्यको कोशेलीको रुपमा यो कृति आएको हो । घामको चुम्बनले देश चिन्न सबैलाई सघाउ पुर्याउने मैले ठानेको छु ।




1 2 3 4 5
please rate this article     Poor
Excellent    

 Visitor's Comments !
there are no comments...

Most recent articles in Interview / अन्तर्वार्ता category

अन्तर्वार्ता
घामको चुम्बनले देश चिनाउँछ - नयाँघरे
अन्तरवार्ता
अन्तर्वार्ता- गणेश राई

    Links
Column / स्तम्भ

    Random Pick
मिथक हो- सावाला खोला कहाँ बग्थ्यो खोलाको पानी धमिलो थियो कि ? नीलो थियो मिथकले सप्रसंङ्ग ब्याख्या गर्दैन......

    Statistics
Total Articles
670
Total Authors
231
Total Views
686256
Total Categories
15

  More Links

Srijanshil Sahitya Samaj Hong Kong, Online Literature Collection of all Genre ...
Copyright 2020 © www.literature.bagaicha.com