टोप बहादुर राई All Literature | Contact Author

हार्नै नजान्ने र जित्नै नसक्नेहरुको

बसमा परेको छ मेरो देश

भाइ-भाइ जुधाएर गवरा लुट्नेहरुको

सेपमा परेको छ मेरो देश ।

गाउँको माया बोकेर परदेशीनेहरुको

पीरमा परेको छ मेरो देश

कुर्सी खेलबाट उछिट्टिएर

तारे भीरमा लडेको छ मेरो देश ।

दौरा सुरुवाल माथि धोती ओढ्नेहरुको

इशारामा चलेको मेरो देश

चारकोशे झाडीमा डढेलो सल्काई

आफै जलेको छ मेरो देश ।

सुन फल्ने भूमि बन्दगी राखेर

अनिकालमा परेको छ मेरो देश

हिरा बग्ने नदीनाला परिचयहिन हुँदा

लोडसेडिङको मारमा परेको छ मेरो देश ।

प्रकृतीको सुन्दर आँगन बम र बारुदको सुरुङले

खाडल भएको छ मेरो देश

आफ्नै कोखबाट जन्मिएको बुद्धलाई आज पराईले दावी गर्दा