Send us your Literature

    Main Categories
Editorial / सम्पादकीय
Interview / अन्तर्वार्ता
Poetry / कविता
Story / कथा
Essay / निबन्ध
Drama / नाटक
Novel / उपन्यास
Criticism / समालोचना
Article / लेख
Lyrics / गीत/गजल
Memoir / संस्मरण
New Talent / नव प्रतिभा
Review / समिक्षा
English / अंग्रेजी
Others / विविध

  More Options
Interview / अन्तर्वार्ता
Most Viewed / धेरै पढिएका
Top Rated / धेरै मत पाएका
Videos / भिडियो
Photos / विशेष तस्वीरहरु
Published Books / सृजनशील साहित्य समाजबाट प्रकाशित पुस्तकहरु

  Advertisement


Titles Description    Advance Search

Published : February 11, 2009 | Author : प्रगति राई
Category : Poetry / कविता | Views : 980 | Rating :

  
प्रगति राई

(श्रृजना अनलाईन कविता प्रतियोगितामा प्रथम विजयी)
 
म आइमाई हुँ साहेब !

अनुहारभरि नियतिले पोतिएको मोसो लिएर

हृवार्हृवार्ति आक्रोश बल्दै

सार्वजनिक उभिएकी छु आज ।

मेरो वासनाजति सबैसबै

साहेबलाई सुम्पिसकेँ भन्थेँ

मभित्र दुर्गन्धमात्रै बाँकी छ भन्थेँ

तर त्यो दुर्गन्धभित्र पनि साहेबलाई भनेर

एउटा महत्वपूर्ण कुरा सुरक्षित थिएछ

जसका लागि साहेबको चिप्लो ज्रि्रो

र्‍याल चुहाउँदै मेरो पाउमा आइपुग्यो

जसका लागि साहेबका महँगा हात

विनम्रले जोल्ठिएर मेरो अनुहारमा आइपुग्यो

जसका लागि साहेबका गौरवशाली गोडा पनि

मेरो जीवनको अनकन्टार भीर छिचोल्दै

मकहाँ शिरनत गरेर आइपुग्यो ।

साहेबको आगमनमा

मेरा लागि ल्याइएको

सगुनको पोको

मेरो हातमा थमियो

जसभित्र अति कलात्मक पाराले

प्याकिङ् गरिएका रसबरी भाषा, नौनी स्वभाव र

झरझराउँदो सपनाको हार उपहार थिए ।

अचानक यस्तो भएकोमा म झन्डै ढलेको

कहिल्यै सपना नदेख्ने आँखामा

यो सपनाका महँगा हार बिझायो मात्रै मलाई

कहिल्यै मीठो स्वाद चाख्न नजानेको मेरो जिब्रोमा

साहेबले दिएको रसबरी, परपरायो मात्रै मलाई

कहिल्यै आत्मीय नभोगेको मेरो दिललाई

साहेबको यो प्रेमिलो साथले

चरचरी चहर्‍यो मात्रै मलाई

सायद, बाँसको जरामा

कला भरिएको आकृतिजस्तो देखिएँ हुँला ।

साहेबले खुब मनपराएर भन्यो-

तिमी अझै जीवित छ्यौ, लौ माग, तिमी के चाहन्छ्यौ

मान्छे हुनुको रगतले मागेको

आफ्नो पहिचान, माटो र  इज्जत मेरो माग भयो ।

जसका लागि म भित्र भएको त्यो अमूल्य चीज

साहेबलाई दिनुपर्ने रहेछ

मैले दिएँ, त्यो हो चुनावी भोट

मजस्तै वादीहरूको भोटको भर्‍याङ चढेर

साहेब माथि कता हो कता पुग्यो

मैले देख्न सकिनँ ।

यतिखेर

साहेबलाई सोधिरहेछु-

तिमीले बनाएको नयाँ विधानमा

बादी हुनुको स्थान कहाँनेर छ -

तिमीले बनाएको नयाँ सरकारमा

बादी हुनुको पहिचान कहाँनेर छ -

भनिदेऊ बरु ! बादी शब्द मेरो देशको होइन

भनिदेऊ बरु ! बादी मेरो देशको नागरिक होइन

तिमीले नङ्ग्याएको चोट

चोट नभएर आगो भएको छ आज

आइमाई हुँ साहेब !

तिमीले नै नङ्ग्याएको नाम लिएर

सार्वजनिक उभिएकी छु आज सडकमा ।

साहेबजस्तै अनुहारहरूले चाटेको मेरो कुरकुरे वैश

साहेबजस्तै नशालुहरूले रित्याएको मेरो जवानी

साहेबका जस्तै हातहरूले च्यातेको मेरो कुमारी पेटीकोट

, आमा बन्न लालयित रहरलाई मारेर

साहेबका जस्तै ओठहरूले चुसेको मेरो निर्दोष स्तन

यो सबै सबैको हिसाब गर्न

सार्वजनिक भएकी छु आज

आइमाई हुँ साहेब !

दनदनी आक्रोश बल्दै

तिमी नै गुडिजाने यो चिल्लो सडकमा

नाङ्गै उभिएकी छु आज ।

आफैले सिकाएको क्रान्तिको गीतले

बिझायो तिमीलाई -

मेरो नामभरि आफैले पोतेको

वीर्यको दाग गन्हायो तिमीलाई

अन्यायको पर्दा हालेर बस्ने तिम्रो आँखालाई

आफैद्वारा लुटिएकी मेरो फरियाले बिझायो तिमीलाई

मेरो नाम नाङ्गो छ

मेरो जात नाङ्गो छ

म जहाँ जहाँ उभिन्छु

त्यहाँ त्यहाँ धर्ती नाङ्गो मानिन्छ

जीउछाडा आइमाई बनाइएँ साहेब !

लोकतन्त्रको रेशमी साडी लगाएर

म आफ्नो लाज छोप्न सक्दिनँ

तिम्रो आश्वासनको प्याला हेरेर

उन्मुक्तिको बाटो अब फेरि पर्खन सक्दिनँ

सदियौँदेखि नङ्ग्याइनुको चर्को चोटको यो शर्त सुन !

अथवा, यो घीनलाग्दो नामको खतरनाक निर्णय सुन !

मलाई तिमीजस्तो बनाउन चाहन्नौ भने

मजस्तो चाहिँ तिमीलाई अवश्य बनाउँछु

आइमाई हुँ साहेब !

एकदम जीउछाडा बनाइएकी आइमाई

दनदनी आक्रोश बल्दै

तिमी गुडिजाने चिल्लो सडकमा

नाङ्गै उभिएकी छु आज

सार्वजनिक उभिएकी छु आज ।

 

(श्रृजना अनलाईन कविता प्रतियोगितामा  प्रथम विजेता कवि अशोक राईलाई बधाई छ)
 सृजनशील साहित्य समाज हङकङ



1 2 3 4 5
please rate this article     Poor
Excellent    

 Visitor's Comments !
Posted by Rai Top Bahadur on September 08, 2010
Kabita Yekdamai marmik Abam smayonukul chha. Pagati didi ya bahiniko annye srijanaharu pani hami srasta\pathak samu aaidiya ramro. but karib 1 barsa pachhadi aai mathi kabitako antama Shrijana online kabita pratiyogitama pratham kabi ashok railai badhai diyinu chai sarosar 100% galat baru hamra kabi shree ashok railai nabhai ukta kabitaka rachaita Pragati rai g lai dinu upaukta hola.

Most recent articles in Poetry / कविता category

परिवर्तन
पहाडको फेदीमा
जानी दुश्मन
श्रद्धाञ्जली चढाएँ
अस्तित्वको लडाई
अवसरको खेती ‘चुनाउ’
प्रकृति हो नारी
समसामयिक कवि
मानक सपना
हरित सुन्दरी
म एउटा कलम हुँ
पर्देशिको जीवन
यो गोर्खे
स्वतन्त्रताको पराकाष्ठ
फर्की आउ परदेशी
ह्याप्पी होली
मिडिया गेटकिपिङ
कविता

    Links
Column / स्तम्भ

    Random Pick
यो २ थोपा आँसु तिम्रै लागि झरेको
थाहै नपाई यो जिन्दगी पलपल जिउँदै मरेको
यो मन मुटु सवै तिम्रै हो
त्यसैले त यो मुटु पनि तिम्रै चालमा चलेको

    Statistics
Total Articles
670
Total Authors
231
Total Views
643687
Total Categories
15

  More Links

Srijanshil Sahitya Samaj Hong Kong, Online Literature Collection of all Genre ...
Copyright 2020 © www.literature.bagaicha.com